Sa Ngayon

Hindi na kita kakamustahin, alam kong na sa mabuti kang lagay. Noong una wala ka namang sinasabi sa akin na may napagadadaanan ka pala..sana nasabi mo din baka mas maging ok ka sana ngayon. Alam ko matatag ka, isipin mo lang ... hindi lahat nakukuha sa isang ngiti at hikab..lalo na kung walang ibang kumikilos kundi ikaw. Kung akoy tatanungin mo sa ngayon? Hindi ako ok, nahihirapan ako huminga ..normal naman dugo ko ..maari sigurong dala ng takot na may mawala o nawala sa buhay ko. Hindi rin ako sigurado sa ngayon, kung bukas magiging ok na ang lahat... yon bang tulad noong bata ka na problema mo lang kung papaano papalabasan ang pambura sa lapis ...paano mo aabutan ang mga kalaro mo sa habulan... sana ganon lang kadali ang lahat.

Doon nga pala sa kinalakihan mo... marami doong pagbabago ngayon,.. lagi ka nila tinatanong.. ako naman lagi lang nilang pinupuri. ako daw ang pinakamabait na bata noon sa lugar natin , tulad mo masipag dw akong magaral.Iniisip ko nga dati mailalagay ko siguro ang pangalan ko sa harap ng bahay namin..kasi sabi nila.. madami daw ako matutupad kahit na hindi ko pangarap. Kaya nga sa ngayon.. hindi na lang muna ako magiisip...baka naman tulad mo... kailangan ko ding magpahinga muna.. sandali lang naman... para mabilang ko naman ang dumadaang sasakyan..o kaya'y makita ko ang ganda ng paligid. Noon paburiti ko itong gawin..kaya siguro naging madali sa akin ang maging bata at maging masaya sa kunting bagay.

Oh paano? akoy napadaan lang.. sana magingat ka .. kung lalayo ka man... siguraduhin mong may bala ka sa kalungkutan.. kasi mahirap magisa... malungkot... nakakainip... nakakawala ng pasensya.. ayaw ko na maranasan mo ang napagdaanan ko... Sa uulitin.. sana'y gawin uli natin ang magbilang ng bituin.. doon kasi ako unang nakatagpo ng tunay na kaibigan.. noong bata pa tayo.. Noong ikaw at ako... ay di tulad ng sa ngayon..