Kulang na Tugon

Kulang na Tugon
(090210)

Sa loob ng mahabang panahon
Naisip kung buhay ay sadyang may layon
Bawat araw ay tila ba isang tugon
Sa mga panalanging dala ng kahapon

Maraming bahagi itong ating buhay
Mula sa pagsilang hanggang sa pagpanaw
Maraming hinagap maraming pangarap
Masayang bukas masayang paglipad

Narito ako ngayon madaming iniisip
Listahay bitbit tugon sa panaginip
Nais ko’y tuparin ang bawat iniisip
Damhin ang buhay tugon sa pagkainip

Alam nating lahat sariling pagkukulang
May kaakibat na hinanakit kapag sala sa inasam
Magtatanong mang pilit ……
Bakit ganon ang sinapit…?

Susubukin ka ng tadhanang mapaglaro
Gagawin kang buo kapag ikaw ay lito
Pupunan ang kulang sa iyong pagkatao
Pagiging musmos may iaalay sayo

Huwad din ang minsa’y akala mo’y sagot
Hanapan ng sapat na saya o lungkot
Gawing isang ginto at palasyong limot
Isiping tugon ay hindi na masisimot

Kapag dakay nawala , Hinagilap , hinanap
Ginawang maging sapat, minulat ang pangarap
Bawat pagiisay naging hudyat , naging armas
Lakas ay sandigan sa Panginoong maalam

At sa pagiibayo ng bawat pagusig
Iisaisahin lahat ng nagawa’t nalirip
Magsisimulang mangarap at muling iibig
Tugon may kulang buo kang sasapit