Anino

Kung may isang araw sa buhay ko.

Pipiliin ko na maging isang damdamin.

Yong damdaming walang lungkot. 

Yong damdaming walang pagdadalawang isip.

Yong tipong sigurado

Yong parang isang anino

Walang anyo

Walang itsura

Nasa lugar

Pero alam mo kung saan galing

Hindi nagkukubli

Katulad ng ngiti

Hindi sasadyain

Hindi hahanapin

Nais ko maging damdamin

Kahit takot ako 

Kahit hindi ako sigurado

Kahit mahihirapan ako

Hindi ako bibitaw

Dahil gusto ko maging damdamin

Damdaming tulad ng anino

Kahit hindi mo sigurado

Kahit wala akong anyo

Maniniwala kang masaya ako

Mapapasaya ka

Kahit wala sa lugar

Kahit hindi mo sigurado

Papaniwalaan mo
Dahil ako ito
Hindi kung sino
Damdamin ko may tila anino.
Na binuo mo.
Na kahugis mo
Dahil ito ang damdaming kaya ko.

Alipin

Pinipilit ko na maging iyo
Sa bawat araw
Sa bawat oras
Nahihirapan ako
Nagdurusa
Ngunit para ito sayo
Pipilitin ko hanggat kaya ko maging iyo


Nagkukulong ako sa dilim
Lumuluha
Naghihintay
Kahit paghinga hirap ako
Lakas ko`y gumuguho
Nahihirapan
Ngunit ito ang gusto mo
Pipilitin ko hanggat kaya ng isip ko


Kinakalimutan ko maging masaya
Sa harap ng mga taong hindi mo kilala
Iiwas ako
Lilimutin ko
Masakit
Hindi ako ito
Magiisa
Mangangapa
Dahil ito ang gusto mo
Pipilitin ko hanggat kaya ng puso ko


Hindi ito kaduwagan
Pinipili ko ang landas na ito
Ito din ang gusto ko
Dahil para ito sayo
Kung hindi ko kayanin
Akoy patawarin mo
Baka hindi nga ako sapat
Baka kinukulang ako bilang tao
Pero pipilitin ko dahil ito ang gusto mo